Ymweld â Techniquest ym Mae Caerdydd

Mae gwyddoniaeth yn llythrennol ar flaenau eich bysedd yng nghanolfan Techniquest ym Mae Caerdydd. Ceir mwy na 120 o eitemau arddangos ymarferol sy’n herio a denu sylw ymwelwyr o ysgolion. Caiff pob grŵp ddigon o amser ar y llawr arddangos, yn ogystal â mynychu cyflwyniad yn y Theatr Wyddoniaeth neu'r Planetarium, neu gymryd rhan mewn gweithdy Labordy.

Mae ymweliadau gan ysgolion wedi cael eu trefnu mor dda fel y gall athrawon ymlacio a chanolbwyntio ar y profiad addysgol o’r eiliad y cyrhaeddant. Wrth gyrraedd, mae staff Techniquest yn egluro i’r disgyblion tra’u bod dal yn eu bysiau, beth fydd logisteg yr ymweliad, ac yn sicrhau bod popeth yn cael ei gynnal mor ddidrafferth â phosibl.