Canllawiau Cynllun Grant mathcymru
Mae grantiau mathemateg o hyd at £400 ar gael i ysgolion ar gyfer prosiectau mathemateg sy'n bodloni meini prawf y cynllun.*
Meini prawf
Dylai prosiectau fodloni'r meini prawf canlynol:
- bod yn newydd, yn ddifyr, wedi'u harwain gan yr athro ac ar thema chwaraeon
- ychwanegu at addysgu a dysgu mathemateg yn eich ysgol
- ni ddylent fod yn debyg i fentrau sydd eisoes yn bodoli neu rai wedi'u cynllunio'n barod
- dangos agweddau cost-effeithiol
- cynnwys dull o werthuso a sut y gellir mesur effaith y prosiect.
Rhaid cynnig adnoddau a gynhyrchir yn sgîl y prosiect ar wefan mathcymru.
Gall y grantiau gynnwys y canlynol:
- Costau athrawon cyflenwi er mwyn rhyddhau staff i baratoi a gweinyddu'r prosiect
- Adnoddau sy'n hanfodol i gwblhau'r prosiect na ellir cynnal y prosiect hebddynt
- Cyfarpar, ar yr amod na chaiff rhan fawr o'r arian a ddyfernir ei wario arno.
Ni fydd y grantiau'n cefnogi'r canlynol:
- Cyfarpar sy'n rhan amlwg o'r cais nad yw'n ychwanegu gwerth cynhenid at y prosiect
- Cyrsiau hyfforddiant i athrawon
- Costau teithio i ddisgyblion.
*Nodwch fod cyfanswm y gyllideb sydd ar gael ar gyfer y cynllun grant yn gyfyngedig ac efallai na chaiff rhai cynigion sy'n bodloni'r holl feini prawf a nodir eu hariannu, neu efallai y cânt eu hariannu'n rhannol yn unig.
Nodiadau ar gwblhau'r ffurflen gais
Rhaid gwneud ceisiadau drwy lenwi'r ffurflen gais swyddogol (lawrlwythwch y ffeil yma). Sicrhewch eich bod yn bodloni pob un o'r meini prawf uchod, ac atebwch y tri chwestiwn o dan y pennawd 'Cynllun gweithredu ar gyfer y prosiect'. Efallai yr hoffech ystyried y canlynol hefyd:
- Faint o ddisgyblion fydd yn elwa o'r prosiect?
- Sut mae'r prosiect yn ychwanegu at addysgu a dysgu mathemateg yn eich ysgol?
- Sut y bydd yr arian yn helpu gyda gweithgareddau newydd?
- Sut y byddwch yn gwerthuso'r prosiect ac yn mesur ei effaith? Os bydd eich cais yn llwyddiannus, gofynnir i chi gynnwys y gwerthusiad hwn yn eich adroddiad, felly mae'n bwysig sicrhau bod eich canlyniadau'n fesuradwy
- Sut y byddwch yn rhannu'r prosiect ag aelodau eraill o staff yn eich ysgol?
- Sut y gallech ymestyn y prosiect hwn ar ddiwedd y cyfnod ariannu (rydym yn gwerthfawrogi efallai na ellir gwneud hyn heb gael rhagor o arian)? Os bydd eich cais yn llwyddiannus, gofynnir i chi gynnwys asesiad o ddyfodol y prosiect yn eich adroddiad.
Nodwch:
- Rhaid i chi ddangos costau'r prosiect yn llawn. Os bydd y prosiect yn costio mwy nag uchafswm dyfarniad mathcymru, nodwch sut y byddwch yn ariannu'r costau ychwanegol
- Os bydd eich cais yn llwyddiannus, rhaid i chi gwblhau'r prosiect a gwario'r arian grant, neu ymrwymo'n gytundebol i'w wario, erbyn 31 Mawrth 2012. Rhaid llunio'r adroddiad erbyn 30 Ebrill 2012.
Caiff pob prosiect a ariennir ei gynnwys ar wefan mathcymru.
Dyddiad cau ar gyfer ceisiadau
Rhaid i geisiadau gael eu cwblhau, eu llofnodi a'u dychwelyd at Tina Crimp, Techniquest, Stuart Street, Caerdydd, CF10 5BW neu at tina@techniquest.org erbyn 5pm ddydd Gwener 2 Rhagfyr 2011.
Bydd panel o feirniaid yn asesu pob cais am arian ac yn cysylltu gyda pob un o’r ymgeiswyr i’w hysbysu o’u penderfyniad erbyn dydd Gwener, Rhagfyr 16, 2011.
Bydd penderfyniad y beirniaid yn derfynol ac ni thrafodir y penderfyniad.
Adroddiad ar y prosiect terfynol
Ar ôl cwblhau'r prosiect, rhaid cyflwyno adroddiad ar y prosiect terfynol i Techniquest (i: tina@techniquest.org ) erbyn dydd Llun 30 Ebrill 2012 fan bellaf.
Dylai'r adroddiadau gynnwys:
- Braslun o 300 o eiriau o'r prosiect, gyda ffotograffau y gellir eu llwytho i wefan mathcymru
- Crynodeb o'r nodau a gwerthusiad wedi'i fesur yn erbyn y nodau hyn
- Asesiad o ddyfodol y prosiect a'r canlyniadau dysgu.
