Cystadleuaeth: ffotograff neu podlediad eich hun – dewiswch chi!

Mae cystadleuaeth yn cael ei threfnu i ddarlunio thema Wythnos Fathemateg Cymru am eleni, sef Cylch o Gylch. Y wobr yw naill ai ymweliad â Techniquest neu ymweliad gwaith allanol gan Techniquest i’ch ysgol chi.

Daeth cannoedd o gynigion ardderchog i law yng nghystadleuaeth ffotograffiaeth mathcymru fis Hydref diwethaf ar y thema Rhif a Siâp (gallwch weld detholiad ohonyn nhw yma). Ond y tro yma mae categorïau’r gystadleuaeth yn ehangach. Does dim rhaid i chi fod yn ffotograffydd o fri chwaith i gymryd rhan... yn lle tynnu llun gallech baratoi podlediad.

Thema Wythnos Fathemateg Cymru ar gyfer 2008 ydy Cylch o Gylch… felly byddem yn disgwyl gweld y cynigion ffotograffig yn cyfleu symudiad neu’n darlunio cylchoedd neu olwynion. Gallai’r podlediad fod yn canolbwyntio ar fectorau, neu’r fathemateg sy’n gysylltiedig â rasio ar ddwy olwyn yn y Gemau Olympaidd, neu rifau cylchog.

Gall ysgolion drefnu eu cystadlaethau mewnol eu hunain yn gyntaf ac wedyn anfon y deg cynnig gorau ym mhob gr?p oedran ymlaen i gael eu beirniadu’n derfynol. Dywed Dave Breen, cydlynydd mathcymru, “Gall y gystadleuaeth hon gynnig her i ddisgyblion ar bob lefel... mae’n gyfle iddyn nhw i gyd roi eu gwybodaeth ar waith ym mha ffordd bynnag sydd orau ganddyn nhw”.

Rhaid i bob cynnig cael ei lanlwytho i’r wefan, trwy ddefnyddio’r cyswllt isod, erbyn dydd Gwener, 7 Tachwedd.

Rheolau

Dylid llwytho lluniau digidol (dim mwy na 750kb yma

Dylid llwytho podlediadau (sain yn unig, dim mwy na 2Mb) yma

Ysgrifennwch hyd at 100 o eiriau yn disgrifio pam wnaethoch chi ddewis y pwnc.
Cofiwch gynnwys enw'r ffotograffydd, oedran ar y dyddiad cau, ac enw'r ysgol. Nodwch nifer y disgyblion a gymerodd ran yng nghylch mewnol eich ysgol, lle y bo'n gymwys.

Caniateir uchafswm o 10 cais fesul Cyfnod Allweddol/adran o bob ysgol. Felly os ydych yn gwneud cais o ysgol gynradd mae'n gwbl dderbyniol i chi wneud ar ran 10 o'ch disgyblion Cyfnod Allweddol 1, yn ogystal ag ar ran 10 o ddisgyblion ychwanegol o Gyfnod Allweddol 2. Yn yr un modd gall ysgolion uwchradd wneud cais ar ran 10 o'u disgyblion Cyfnod Allweddol 3, yn ogystal ag ar ran 10 o ddisgyblion ychwanegol o Gyfnod Allweddol 4, yn ogystal â 10 o gategori dros Gyfnod Allweddol 4. Fodd bynnag dim ond 10 cais i gategori Cyfnod Allweddol 1 a ganiateir i ysgolion babandod.

Y dyddiad cau yw dydd Gwener Tachwedd 7.`